分類

主題

球場中央, 足球

陳柏良志在四方闖中甲 

香港隊嚟緊星期三對中華台北,鳳凰展翅第一擊,球迷除咗關心港隊表現,到時不妨留意客軍隊長陳柏良嘅演出,呢位踢過飛馬半季嘅中場,最近加盟深圳紅鑽,新球季征戰中甲!

香港球員都得架

柏良去年離開飛馬後返回台灣,今次再度出外搵食,係挑戰水平更高嘅中甲,台灣傳媒報道佢為咗踢中甲,毅然辭咗台電份工,不過佢喺深圳份糧都唔錯架!據報年薪有成7位數字新台幣添!柏良年僅23歲,但已先後去過日本試腳同過嚟香港發展,依家再「升呢」挑戰中甲,總之就唔留喺台灣做山寨王。

其實以柏良嘅水準,唔少香港球員都有,柏良都去得踢中甲,香港球員都冇話唔得,但係有柏良咁好波,卻未必有佢嗰份膽識,香港多年來淨係得吳偉超北上發展,暫時仲未見有第二個。唔計「黑哨假波」等場外因素,中甲水準肯定高過港甲,好球員志在四方,祝願柏良嚟緊有更好發展,亦希望有料嘅港將認真考慮吓啦。

香港 東方日報 2.26

延伸閱讀

路過留言

avatar
Photo and Image Files
 
 
 
Audio and Video Files
 
 
 
Other File Types
 
 
 
  Subscribe  
Notify of
imuya
Guest
imuya

廣東話看不太懂,意思可能是:柏良才23歲,但已日本試腳,待過香港職足,現在挑戰中甲,總之就是沒有留在台電當土皇帝。其實以陳柏良的球技,在香港也不乏沒有,但柏良都已確定要到中甲,香港的球員呢?也許有相當的球技,但卻沒有這份膽識,估且不論黑哨的影響,中甲的水準肯定比港甲高,好球員志在四方,祝柏良有更好的發展,有料的香港球員,也該認真的考慮一下。